Stjórn Sambands ungra Sjálfstæðismanna kom saman á SUS-degi á Blönduósi, laugardaginn 1. mars.

Átján SUS-arar mættu á svæðið ásamt stjórn Jörundar, félags ungra Sjálfstæðismanna í A-Húnavatnssýslu.

Margt var á dagskrá og má þar m.a. annars nefna heimsókn Adolfs Berndsens, oddvita sveitastjórnar Skagastrandar og nefndarmann í norðvesturnefndinni. Adolf fræddi SUS-ara um hlutverk norðvesturnefndarinnar, atvinnumál og margt fleira sem snertir Austur-Húnavatnssýslu.

SUS-arar kíktu einnig í heimsókn á Heimilisiðnaðarsafnið þar sem vel var tekið á móti þeim. Dagurinn var einnig nýttur í að móta stefnu SUS næsta árið.

Bæjarfulltrúarnir Kári Kárason og Ágúst Þór Bragason kíktu einnig í heimsókn og er ekki hægt að segja annað enn að dagurinn hafi heppnast fullkomlega. Mikil ánægja var með daginn meðal SUS-ara.

Hægt er að skoða fleiri myndir frá SUS-degi hérna vinstramegin á síðunni...